«ташаббусли бюджет» тегли мақолалар
Андижондаги боғда чархпалак қуриш бўйича тадбиркорлик хусусиятига эга лойиҳа «Ташаббусли бюджет»да ғолиб бўлди
Сенат қўмитасида Андижондаги истироҳат боғида чархпалак қуриш лойиҳаси тадбиркорлик хусусиятига эга бўлишига қарамай, «Ташаббусли бюджет»нинг овоз бериш босқичига ўтказилгани ва ғолиб деб топилгани кескин танқид қилинди. Ҳудди шундай ҳолат Зарафшондаги аэропорт биносини таъмирлашда ҳам кузатилган.
Бухорода ўқитувчиларни «Ташаббусли бюджет»га овоз йиғишга мажбурлаган директор жаримага тортилди
Бухоронинг Ромитан туманидаги 18-мактабда директор ўқитувчиларни «Ташаббусли бюджет» учун овоз йиғишга мажбурлагани аниқланди. Унга нисбатан БҲМнинг 100 баравари миқдорида жарима қўлланди.
35 та ҳолатда ўқитувчи ва шифокорлар «Ташаббусли бюджет»га овоз йиғишга мажбурланган бўлиши мумкин — ИМВ
«Ташаббусли бюджет» лойиҳаларига овоз бериш жараёнида республика бўйлаб овоз йиғишга мажбурлаш ҳолатлари бўйича 39 та шикоят келиб тушди, деб ёзди Иқтисодиёт ва молия вазирлиги. Уларнинг 35 таси ўқитувчи ва шифокорлар билан боғлиқ. Агар улар ўз тасдиғини топса, лойиҳалар жараёндан четлатилади.
«Ташаббусли бюджет»нинг иккинчи мавсуми 6 июлдан бошланади
«Ташаббусли бюджет» жараёнининг 2-мавсуми 6 июлдан бошланади. Лойиҳаларни 26 июлга қадар киритиш мумкин. Ушбу мавсум учун туман ва шаҳар бюджетлари ҳисобидан 2 трлн сўмдан ортиқ маблағ йўналтирилади.
«Ташаббусли бюджет» эволюцияси. Open Budget қандай қилиб фуқаролик жамиятини қураётгани ҳақида
Сурхондарёдаги бир маҳалла кўп йиллардан буён электр, сув, йўл муаммоларидан қийналарди. 2020 йили шу маҳаллада яшовчи Ойбек Усанов «Ташаббусли бюджет»да омадини синашга қарор қилади. Бу тажриба аҳоли ҳаётини қанчалик ўзгартиргани ва одамларни қандай бирлаштиргани — Жаҳонгир Азимов репортажида.
«Ташаббусли бюджет»да бажарилган лойиҳаларни маҳалла раиси ва ташаббускорлар текшириб олади — режа
2024 йилги давлат дастури лойиҳасида «Ташаббусли бюджет» доирасидаги лойиҳаларни маҳалла раиси ва ташаббускорлар розилиги билан фойдаланишга топшириш белгиланмоқда. Шунингдек, 1 мартдан «Бир фуқаро — бир овоз» тизими жорий этилиши мумкин.
«Ташаббусли бюджет»нинг янги мавсуми 1 февралдан бошланади
Иқтисодиёт ва молия вазирлиги «Ташаббусли бюджет»нинг 2024 йилги илк мавсуми 1 февралдан бошланишини эълон қилди. Бу мавсум учун 3 трлн сўмдан ортиқ маблағ йўналтирилади.
«Обод қишлоқ» ва «Обод маҳалла» дастурларини ташаббусли бюджетлаштириш бўйича низом танқидларга учради
«Обод қишлоқ» ва «Обод маҳалла» дастурларини ташаббусли бюджетлаштириш орқали амалга ошириш тартиби тўғрисидаги низом танқидларга учради. Низомга кўра, дастурлар бўйича фақат маҳалла раиси лойиҳалар тўпламини киритиш ҳуқуқига эга, фуқаролар эса бундай қилолмайди.
Open budget учун овоз йиғишга мажбурлаш мажбурий меҳнатга жалб қилиш сифатида баҳоланади
Президент қарори билан «Ташаббусли бюджет» лойиҳаси учун раҳбарларнинг мажбурий овоз йиғиш бўйича ходимларга топшириқ беришлари тақиқланади. Бундай ҳолат мажбурий меҳнатга жалб қилиш сифатида баҳоланади. Лойиҳа доирасида овоз тўплаш ва ғолибларни аниқлаш механизми танқидий кўриб чиқилади.
«Ташаббусли бюджет»да ғолиб деб топилмаган 1309 та лойиҳа учун қўшимча 1,3 трлн сўм маблағ ажратилади
Президент топшириғига кўра, «Ташаббусли бюджет» жараёнларининг 2023 йил 1-мавсумида иштирок этиб, ҳар бири 2 мингдан ортиқ овоз тўплаган, лекин ғолиб деб топилмаган 1309 та лойиҳани амалга ошириш учун қўшимча 1,3 трлн сўм маблағ ажратилади.
«Ташаббусли бюджет»га овоз беришга ўқитувчилар жалб қилингани ўрганилмоқда — Сенат
Мажбурий меҳнатга қарши курашиш комиссияси айрим соҳа вакиллари, жумладан, ўқитувчилар «Ташаббусли бюджет»га овоз беришга мажбурланаётганини ўрганмоқда. Халқ таълими вазири ҳам педагоглар жараёнга жалб этилмаслигини маълум қилган. Шундай ишлар ортидан Оққўрғонда мактаб директори ишдан бўшатилган.
Тошкент вилоятида Open budget`га овоз тўплаш учун ўқувчилардан пул йиғилгани айтилмоқда
Тармоқларда Оққўрғон туманида ўқувчиларнинг Open budget лойиҳасига овоз кўпайтириш мақсадида зарур бўлган сим-карталарни сотиб олиш учун мактабга пул олиб бораётгани акс этган видео тарқалди. Тошкент вилояти ҳокимлиги ҳолат ўрганилаётганини билдириб, бундай ҳаракатни қоралади.
«100 та овоз учун 100 доллар». Open budget`чилар нималарни таклиф қилишмоқда? Видео
Ўзбекистонда «Ташаббусли бюджет» лойиҳасининг овоз бериш жараёни қизғин кечмоқда. Яшаш ҳудудидаги муаммоларни ҳал этиш учун лойиҳа таклиф этган аҳоли кўпроқ овоз йиғишга ҳаракат қилмоқда ва турли усуллардан фойдаланмоқда. «Газета.uz» мазкур жараён иштирокчиларига микрофон тутди (видео).
Бепул ичимлик, 5000 сўм пул ва 1 литр ёғ — Open budget`да овоз бериш эвазига нималар таклиф этилмоқда?
«Ташаббусли бюджет»да овоз бериш жараёни 7 апрелда тугайди. Фуқаролар унгача ўз лойиҳаларига кўпроқ овоз тўплаш учун турли усуллардан фойдаланмоқда. Жумладан, ҳисобни тўлдириш, бепул ичимлик улашиш ва ҳатто ёғ бериш ҳам кузатилмоқда. «Газета.uz» жараёнга оид суратлар ва постларни жамлади.
«Ташаббусли бюджет»да Face ID ва коэффициентларни жорий этиш назарда тутилмаган — Шерзод Кудбиев
Иқтисодиёт ва молия вазирлиги матбуот хизмати «Ташаббусли бюджет»да Face ID тизими ва кўпайтириш коэффициентларини жорий этиш режаси ҳақида хабар берганди. Вазир Шерзод Кудбиев ўз ходимларини «салгина нопрофессионал шарҳ берганликда» айблаб, ҳозирча бундай ўзгаришлар назарда тутилмаганини билдирди.
Ўзбекистонда «Ташаббусли бюджет»нинг овоз бериш босқичи бошланди
Иқтисодиёт ва молия вазирлиги «Ташаббусли бюджет» бўйича овоз бериш бошланганини эълон қилди. Фуқаролар инфратузилмани яхшилаш, йўллар қуриш, мактабларни таъмирлаш ва бошқа лойиҳаларга овоз бериш орқали маҳаллий бюджетнинг жами 1,7 трлн сўмлик қисмини тақсимлашда иштирок этиши мумкин.
Open Budget`нинг 1-мавсумига жами 1,7 трлн сўм ажратилади
2023 йилда «Ташаббусли бюджет»нинг 1-мавсумига 1 трлн сўм йўналтирилади. Унга қўшимча тарзда маҳаллий бюджетлар ўзида йиғилган эркин қолдиқ маблағларининг 30 фоизини ҳам қўшади. Қўшимча пуллар ҳисобига жами 1,7 трлн сўм маблағ Фуқаролар ташаббуси жамғармаларига йўналтирилиши прогноз қилинмоқда.
Ўзбекистонда «Ташаббусли бюджет»нинг янги мавсуми бошланди
Иқтисодиёт ва молия вазирлиги ташаббусли бюджетлаштиришнинг янги мавсуми бошланганини эълон қилди. Унда фуқаролар инфратузилма, йўл, мактаб ва бошқа объектларни яхшилаш бўйича лойиҳаларни таклиф этиб, маҳаллий бюджетнинг бир қисмини тақсимлашда иштирок этади. Таклифлар 26 февралгача қабул қилинади.
Ташаббусли бюджет: синовдан янги амалиётлар сари
Ташаббусли бюджет фуқароларнинг дахлдорлик ҳиссини сезиларли даражада ошириши ва ҳаёт сифатини яхшилаши мумкин. Қолаверса, у барқарор ривожланиш мақсадларига эришишда самарали воситага айланиши мумкин, деб ёзади БМТ Тараққиёт дастурининг Ўзбекистондаги доимий вакили Матильда Димовска.
«Ташаббусли бюджет» лойиҳасининг 2-мавсумида овоз бериш якунланди
«Ташаббусли бюджет» лойиҳасининг 2-мавсумига овоз беришлар 17 сентябрь куни якунланди. Жами 1418 та лойиҳа ғолиб деб топилди ва уларни амалга ошириш учун 1 трлн сўмдан ортиқ маблағлар йўналтирилади. Натижалар расман эълон қилинмаган бўлса-да, ҳудудларда одамлар байрам қилишни бошлаб юборди.
Энг кўп ўқилган хабарлар | Сўнгги янгиликлар
- Тошкентда 17 нафар фуқаро ноқонуний диний ташкилот тузишда гумонланиб қўлга олинди
- Қурилиш вазирлиги «халқ томонидан тан олиниб келинаётган» УЖМШлар ишига аралашганлик учун жавобгарлик билан таҳдид қилди
- Ўзбекистонда метан заправкаларга газ етказиб бериш вақтинча чекланди
- Зеленский АҚШ билан фойдали қазилмалар бўйича шартнома имзолашдан бош тортди — WP
- Пенсияни автоматик — аризасиз тайинлаш режалаштирилмоқда
Қўшимча имкониятлардан фойдаланиш учун сайтда рўйхатдан ўтинг